Komunikadu Imprensa - Lu Olo: Ami la halao kampaña komunista hasoru Ramos Horta
Francisco Guterres "Lu Olo" ba Prezidente
"Prezidente husi povu ba povu tomak"
Komunikadu imprensa
19 Abril 2007
Lu Olo: Ami la halao kampaña komunista hasoru Ramos Horta
Fretilin ninia kandidatu prezidensial Francisco Guterres "Lu Olo" la simu akusazaun José Ramos Horta nian, ne'ebé tatoli husi media lokal katak Fretilin halao propaganda komunista hasoru nia.
" Fretilin - partidu politiku ida ké tuba rai metin atu defende liu-liu Timor-Leste ninia soberania nasional", Lu Olo dehan. "Ämi la halao kampaña komunista hasoru Ramos Horta no ami la'os partidu komunista . Ho akuzasaun falsu ida ne'e, Ramos Horta tuir dalan foer atu buka manan deit apoiu polítiku."
"Tamba sá Ramos Horta tau rótulu komunista ba Fretilin? Iha 1975, militar indonéziu no sira nia kolaboradores mak uza lia fuan ida ne'e hodi justifika invazaun ba Timor-Leste no massakre ba Timor oan sira", Lu Olo dehan.
Lu Olo moos husu: "Tamba saída Ramos Horta hatete a'at Moçambique, nasaun ida ké nunka abandona povu Timor-Leste no ita nia luta ba independénsia? "
"Moçambikanus sira mak fó mahon ba Ramos Horta no Timor oan sira seluk bainhira Indonesia tama iha ita nia rain iha Dezembru 1975. Tamba Governu no povu mosambikanu tulun makás Timor-Leste, mak timor oan sira iha tasi balu (diáspora) bele hahú halao ho susesu frente diplomátika ba tanen ita nia luta ba independénsia".
"Ramos Horta moos simu pasaporte husi Governu Moçambique hodi bele halao ninia knaar diplomátiku. Nia oan mane moris no bo'ot iha Moçambique", Lu Olo hatutan.
"Ramos Horta uza Moçambique bainhira nia presiza, maibé, ohin loron, tamba deit sai kandidatu prezidensial, nia buka hatún fali Moçambique. Ne'e dalan ida ké foer hodi buka manan deit votus. Ne'e la'os komportamentu ida ké ita hein husi kandidatu prezidensial".
Lu Olo hatete katak Fretilin mak konvida konselleirus mosambikanus mai Timor-Leste hodi ajuda halao treinamentu ba partidu ninia fiskais no observadores ba eleisoens.
"Ami halo ida ne'e hodi hametin liu taan prosesu demokrátiku iha Timor-Leste. Labele koalia hanesan duun fali katak Mosambikanus sira mai Timor-Leste atu halo foer ita nia prosesu eleitoral. Ramos Horta foi sai hanoin ida ké a'at tebe-tebes".
Lu Olo la simu moos akuzasaun Ramos Horta nian katak Fretilin kontrata kompanhia relasoens públikas husi Brasil ba halao kampaña liu husi media.
"Ema hotu-hotu bele haré katak partidu Fretilin hari'i ekipa média ba eleisoens ho militantes klosan sira ne'ebé servisu makás duni. Fretilin fó fiar tomak ba klosan sira ne'ebé fó a'an tomak ba halao knaar ida ne'e ba ami", Lu Olo hatutan.
Atu hatene ta'an informasaun, bele dere arame ba:
Harold Moucho (Lu Olo ninia konselleiru polítiku) (+670) 723 0048 (Dili)
José Manuel Fernandes (Reprezentante ofisial Lu Olo nian ba eleisoens) (+670) 734 2174 (Dili)
http://www.luolobapresidente.blogspot.com , http://luolo.blogspot.com, http://www.timortruth.com
"Prezidente husi povu ba povu tomak"
Komunikadu imprensa
19 Abril 2007
Lu Olo: Ami la halao kampaña komunista hasoru Ramos Horta
Fretilin ninia kandidatu prezidensial Francisco Guterres "Lu Olo" la simu akusazaun José Ramos Horta nian, ne'ebé tatoli husi media lokal katak Fretilin halao propaganda komunista hasoru nia.
" Fretilin - partidu politiku ida ké tuba rai metin atu defende liu-liu Timor-Leste ninia soberania nasional", Lu Olo dehan. "Ämi la halao kampaña komunista hasoru Ramos Horta no ami la'os partidu komunista . Ho akuzasaun falsu ida ne'e, Ramos Horta tuir dalan foer atu buka manan deit apoiu polítiku."
"Tamba sá Ramos Horta tau rótulu komunista ba Fretilin? Iha 1975, militar indonéziu no sira nia kolaboradores mak uza lia fuan ida ne'e hodi justifika invazaun ba Timor-Leste no massakre ba Timor oan sira", Lu Olo dehan.
Lu Olo moos husu: "Tamba saída Ramos Horta hatete a'at Moçambique, nasaun ida ké nunka abandona povu Timor-Leste no ita nia luta ba independénsia? "
"Moçambikanus sira mak fó mahon ba Ramos Horta no Timor oan sira seluk bainhira Indonesia tama iha ita nia rain iha Dezembru 1975. Tamba Governu no povu mosambikanu tulun makás Timor-Leste, mak timor oan sira iha tasi balu (diáspora) bele hahú halao ho susesu frente diplomátika ba tanen ita nia luta ba independénsia".
"Ramos Horta moos simu pasaporte husi Governu Moçambique hodi bele halao ninia knaar diplomátiku. Nia oan mane moris no bo'ot iha Moçambique", Lu Olo hatutan.
"Ramos Horta uza Moçambique bainhira nia presiza, maibé, ohin loron, tamba deit sai kandidatu prezidensial, nia buka hatún fali Moçambique. Ne'e dalan ida ké foer hodi buka manan deit votus. Ne'e la'os komportamentu ida ké ita hein husi kandidatu prezidensial".
Lu Olo hatete katak Fretilin mak konvida konselleirus mosambikanus mai Timor-Leste hodi ajuda halao treinamentu ba partidu ninia fiskais no observadores ba eleisoens.
"Ami halo ida ne'e hodi hametin liu taan prosesu demokrátiku iha Timor-Leste. Labele koalia hanesan duun fali katak Mosambikanus sira mai Timor-Leste atu halo foer ita nia prosesu eleitoral. Ramos Horta foi sai hanoin ida ké a'at tebe-tebes".
Lu Olo la simu moos akuzasaun Ramos Horta nian katak Fretilin kontrata kompanhia relasoens públikas husi Brasil ba halao kampaña liu husi media.
"Ema hotu-hotu bele haré katak partidu Fretilin hari'i ekipa média ba eleisoens ho militantes klosan sira ne'ebé servisu makás duni. Fretilin fó fiar tomak ba klosan sira ne'ebé fó a'an tomak ba halao knaar ida ne'e ba ami", Lu Olo hatutan.
Atu hatene ta'an informasaun, bele dere arame ba:
Harold Moucho (Lu Olo ninia konselleiru polítiku) (+670) 723 0048 (Dili)
José Manuel Fernandes (Reprezentante ofisial Lu Olo nian ba eleisoens) (+670) 734 2174 (Dili)
http://www.luolobapresidente.blogspot.com , http://luolo.blogspot.com, http://www.timortruth.com
0 comments:
Enviar um comentário