Komunikadu Imprensa - Lu Olo deklara ninia riku soin pessoal
Francisco Guterres Lu Olo ba Prezidente
“Hau se sai Prezidenti Hosi Povu ba Povu Tomak”
Komunikadu ba Imprensa
23 Abril 2007
Lu Olo deklara ninia riku soin pessoal
Kandidatu ba Prezidente Repúblika, Francisco Guterres “Lu Olo” ohin fo sai deklarasaun ida kona ba ninia riku soin tomak. Deklarasaun nee hatudu momós sá riku soin mak nia iha ohinloron no konfirma mós katak nia la iha negósiu nein ida iha Timor-Leste laran ka iha rai seluk.
Lulo dehan katak importante tebetebes kandidatus sira ne’ebé konkorre ba kargu a’as hanesan Prezidente Repúblika, atu deklara sira nia intereses pekuniárius, katak riku soin tomak hanesan ósan iha banku, rendimentus sed-seda mak hetan husi investimentus privadus iha sira nia naran rasik no tuir intermediárius ne’ebé kaer sira nia negósius ka investimentus.
“Prezidente Republika tenke ema ida ké iha integridade no honestidade a’as liu,” dehan LuOlo.
“Hanesan kandidatus, ami tenke hatudu transparénsia tomak ba ita nia Povu. Tamba nee mak hau fo sai dokumentu ida nee atu reforsa katak Prezidénsia tenke hatudu transparénsia. Hosi surat ida ne’e mak hau tatoli momós katak hau la iha ósan ka investimentus finanseirus ne’ebé bele kompromete hau bainhira hau halao hau nia knaar no responsabilidade núdar Prezidente Repúblika. Hau hakarak kandidatus prezidensiais sira seluk mos halo tuir ida ne’e, ohin no aban bai rua”.
Lu Olo explika katak interese pecuniáriu ne’e interese ida ne’ebé ita bele sukat hanesan osan ka riku soin sira seluk ne’ebé fó folin no bele halo ema riku liu ta’an.
“Prezidente nia responsabilidade bot liu maka halao ninia knaar tuir interese públiku nian. Povu hakarak Prezidente ida ké la hanoin deit atu manan ba nia a’an rasik deit ka ninia interese deit.
“Se ita la ható ba públiku ita nia riku soin rasik, ita bele loke odomatan ba hahalok sala no korrupsaun.”
Lu Olo hatutan: “Iha hau nia vida tomak, hau sempre tau povu Timor-Leste uluk liu buat hotu. Hau sei halo nafatin ida ne’e bainhira hau kaer knaar núdar Prezidente. Sai Prezidenti ba hau nia rai doben, nee onra a’as liu ké hau bele hetan”
“Hau ninia servisu ba Povu to’o ohin loron fo riku soin oituan deit mai hau. Maibé, hau iha orgulhu bot tebe-tebes núdar timor oan ne’ebé serbí Timor oan hotu-hotu. Ne’e deit mak hau presiza.”
Lu Olo ninia deklarasaun ható:
• Nia la iha ósan doit ida iha banku.
• Ninia família iha rai tradisional no uma mak sira nian hela fatin iha Ossú, Viqueque. Nia la iha uma ka rai seluk iha Timor-Leste ka iha rai seluk.
• Nia iha kareta ida marka Toyota Prado, hosi 2000, ho valor estimadu USD5,000
• Nia iha sasan uma laran iha nia uma fatin ofisial, iha Farol, Dili, núdar Prezidente Parlamentu.
• Nia rendimentu mesak ida deit mak nia saláriu hosi nia pozisaun núdar Prezidenti Parlamentu.
• Nia la iha asoens ka interesses iha negósiu no kompañia iha Timor-Leste ka iha rai seluk.
• Nia la iha interesse komersial ka parseirus negósius iha Timor-Leste ka iha rai seluk.
• Nia la iha interesse ruma iha fundu fidusiáriu, fundu reforma nian no pasta investimentus ruma ne’ebé ema seluk mak kaer , iha Timor-Leste ka iha rai seluk.
Hakarak hatene ta’an informasaun, bele dere arame bá:
Harold Moucho (LuOlo nia assessor polítiku) (+670) 723 0048
José Manuel Fernandes (reprezentante Lu Olo nian ba eleisoens) (+670) 734 2174 (Dili)
http://luolobapresidente.blogspot.com, http://luolo.blogspot.com, http://www. timortruth.com
“Hau se sai Prezidenti Hosi Povu ba Povu Tomak”
Komunikadu ba Imprensa
23 Abril 2007
Lu Olo deklara ninia riku soin pessoal
Kandidatu ba Prezidente Repúblika, Francisco Guterres “Lu Olo” ohin fo sai deklarasaun ida kona ba ninia riku soin tomak. Deklarasaun nee hatudu momós sá riku soin mak nia iha ohinloron no konfirma mós katak nia la iha negósiu nein ida iha Timor-Leste laran ka iha rai seluk.
Lulo dehan katak importante tebetebes kandidatus sira ne’ebé konkorre ba kargu a’as hanesan Prezidente Repúblika, atu deklara sira nia intereses pekuniárius, katak riku soin tomak hanesan ósan iha banku, rendimentus sed-seda mak hetan husi investimentus privadus iha sira nia naran rasik no tuir intermediárius ne’ebé kaer sira nia negósius ka investimentus.
“Prezidente Republika tenke ema ida ké iha integridade no honestidade a’as liu,” dehan LuOlo.
“Hanesan kandidatus, ami tenke hatudu transparénsia tomak ba ita nia Povu. Tamba nee mak hau fo sai dokumentu ida nee atu reforsa katak Prezidénsia tenke hatudu transparénsia. Hosi surat ida ne’e mak hau tatoli momós katak hau la iha ósan ka investimentus finanseirus ne’ebé bele kompromete hau bainhira hau halao hau nia knaar no responsabilidade núdar Prezidente Repúblika. Hau hakarak kandidatus prezidensiais sira seluk mos halo tuir ida ne’e, ohin no aban bai rua”.
Lu Olo explika katak interese pecuniáriu ne’e interese ida ne’ebé ita bele sukat hanesan osan ka riku soin sira seluk ne’ebé fó folin no bele halo ema riku liu ta’an.
“Prezidente nia responsabilidade bot liu maka halao ninia knaar tuir interese públiku nian. Povu hakarak Prezidente ida ké la hanoin deit atu manan ba nia a’an rasik deit ka ninia interese deit.
“Se ita la ható ba públiku ita nia riku soin rasik, ita bele loke odomatan ba hahalok sala no korrupsaun.”
Lu Olo hatutan: “Iha hau nia vida tomak, hau sempre tau povu Timor-Leste uluk liu buat hotu. Hau sei halo nafatin ida ne’e bainhira hau kaer knaar núdar Prezidente. Sai Prezidenti ba hau nia rai doben, nee onra a’as liu ké hau bele hetan”
“Hau ninia servisu ba Povu to’o ohin loron fo riku soin oituan deit mai hau. Maibé, hau iha orgulhu bot tebe-tebes núdar timor oan ne’ebé serbí Timor oan hotu-hotu. Ne’e deit mak hau presiza.”
Lu Olo ninia deklarasaun ható:
• Nia la iha ósan doit ida iha banku.
• Ninia família iha rai tradisional no uma mak sira nian hela fatin iha Ossú, Viqueque. Nia la iha uma ka rai seluk iha Timor-Leste ka iha rai seluk.
• Nia iha kareta ida marka Toyota Prado, hosi 2000, ho valor estimadu USD5,000
• Nia iha sasan uma laran iha nia uma fatin ofisial, iha Farol, Dili, núdar Prezidente Parlamentu.
• Nia rendimentu mesak ida deit mak nia saláriu hosi nia pozisaun núdar Prezidenti Parlamentu.
• Nia la iha asoens ka interesses iha negósiu no kompañia iha Timor-Leste ka iha rai seluk.
• Nia la iha interesse komersial ka parseirus negósius iha Timor-Leste ka iha rai seluk.
• Nia la iha interesse ruma iha fundu fidusiáriu, fundu reforma nian no pasta investimentus ruma ne’ebé ema seluk mak kaer , iha Timor-Leste ka iha rai seluk.
Hakarak hatene ta’an informasaun, bele dere arame bá:
Harold Moucho (LuOlo nia assessor polítiku) (+670) 723 0048
José Manuel Fernandes (reprezentante Lu Olo nian ba eleisoens) (+670) 734 2174 (Dili)
http://luolobapresidente.blogspot.com, http://luolo.blogspot.com, http://www. timortruth.com
0 comments:
Enviar um comentário