Komunikadu Imprensa - Lu’Olo: “Juventude Timor-Leste nian, Imi nia tempu mak ne’e!”
Francisco Guterres "Lu Olo" ba Prezidente
Komunikadu ba Imprensa
Domingu 22 Abril 2007
Lu’Olo: “Juventude Timor-Leste nian, Imi nia tempu mak ne’e!”
Kandidatu Prezidensial Francisco Gutrres “Lu Olo” ohin ható ninia komprimisu atu harii Gabinete Apoio Juventude se nia eleito Prezidente Republik, nunee Juventude bele fo Kontribuisaun bot liu ba governasaun Timor-Leste nian.
“Hau se fo Juventude sira hau nia atensaun makás no fo ba sira fatin bot liu iha hau nia Prezidensia se hau mak eleito Prezidente Republika. Hau se harii Gabinete Nasional ba Apoiu Juventude, ne’ebe la’os partidáriu, maibé, inclusivu, ne’ebé Jovens sira rasik maka kaer servisu iha laran.”
LuOlo kolian liafuan nee iha Dili bainhira nia ható ninia saudasoens ba Jovens sira mak foun dadau halibur iha Lospalos ba sorumutu Cruz Joven. “Sorumotu tin’tinan Cruz Juventude iha Lospalos ne’ebé halibur jovens hosi Timor-Leste tomak fó exemplu furak ida ba juventude tamba sira hamutuk ho dame no fó laran ba malu, halo selebrasaun ba sira nia fiar no valores,”dehan Lu’Olo.
“ Ida nee oportunidade ba ita nia nasaun atu rekoñese kontribuisaun bot ne’ebé juventude fó ba ita nia independénsia. Juventude iha ona direitu atu hetan moos dame no prosperidade iha ita nia rain , laos deit aban bai rua, maibé, oras nee, ohin kedas.”
Konstituisaun Timor-Leste nian fó garantia ba direitus jovens sira nian, hanesan sidadaun sira seluk. Iha Timor-Leste, jovens hotu-hotu iha direitu fo sira nia kontribuisaun ba desenvolvimentu sosial no politiku nasaun nian.
Lu’Olo koalia mos kona ba nia experiénsia rasik. “Hau rasik iha tusan ida ké bot hó Juventude iha ita nia rain”, nia dehan. “Bainhira ami funu hela iha foho, jovens sira hela iha sidades no aldeias mak fo tulun no apoiu ba ami. Se laiha jovens sira nee, ita la hetan ukun rasik a’an.”
“Ita presiza servisu hamutuk oras ne’e, bei’beik, atu hakotu krize ne’ebé mosu iha ita nia rain. Jovens barak, mane no feto, mak oras nee halao knaar lideransa nian, fó sira nia tulun ba haburas sira nia komunidade, ita nia nasaun. Juventude sira envolve a’an ba haríi dame, edukasaun, saúde, iha dezenvolvimentu komunitáriu.”
Nudar Przidente hau se fo apoio makas no sai poromoter bot ba Juventude. “Hau se halao bei’beik dialogu ho juventude no organizasoens juventude nian, no fo tulun ba sira ba servisu hamutuk ho governu, konfisoens relijiosas no ONG sira. Hau ho governu halo dadaun esforsu ba harii parlamentu juventude nian iha eskolas.”
LuOlo hato’o katak ema barak tebe-tebes mak fo sala ba jovens sira kona ba violénsia no krize iha Dili laran. “Hau la konkorda ho ida nee. Jovens sira mai Dili ho expectativas boot. Dala barak, sira laran taridu tamba la hetan buat ne’ebé sira buka . Maibé, jovens barak mak halao dadaun servisu diak tebe-tebes, sira fó apoiu ba sira nia famílias, sira estuda no fo tulun ba komunidades sira nian. Ita tenke respeita jovens sira, sé tilun ba sira, no servisu hamutuk ho sira bainhira sira buka dadaun solusaun ba sira nia problemas”.
Lu Olo dehan katak nia koalia ona ho jovens no estudantes sira kona ba sira nia vizaun no nesesidades: “Jovens hatete mai hau katak sira hakarak oportunidade atu hetan edukasaun iha sira nia distritu rasik, la presiza mai sidade Dili atu estuda (iha Bahasa Malaiu bolu “Pendidikan Jarak Jauh”). Sira hakarak Estadu harii Sentru Rekursus Juventude nian iha distritus. Sira hakarak tulun atu bele dezenvolve sira nia inisiativas rasik ba harii dame no seguransa iha sira nia fatin, fó formasaun, aprende komputador, no organiza desportu no festas kulturais.”
“Jovens sira hakarak servisu ho feto sira no agrikultor sira iha áreas rurais, harii kooperativas no projetu selu-seluk atu hetan buat ruma ba sira nia moris. Hau rasik koñese jovens barak mak halo dadaun buat balun nee ona, no hau promete fo apoio atu sira bele halao sira nia inisiativas barak liu tan no makas liu tan. Juventude iha distritus hakarak halo parte mundu modernu, sira iha direitu hetan ida nee, maibé , hela nafatin iha sira nia uma. Hau la simu hanoin hanesan harii dormitórius ba estudantes iha Dili. Nee la’os solusaun lo’los ba sira nia nesesidades no hakarak.”
Lu Olo ramata ho apelu diretu ba jovens sira:
“Juventude sira mak ita nia asu uain iha ita nia luta ba independénsia. Hau hatete ba jovens sira: Juventude. Hau hahú kontribui ba ita nia luta bainhira hau sei klosan. Hau aprende ho maun no bin sira, liu liu ho Vicente Reis, Sahe, ne’ebé sai hau nia mata dalan iha tempu ne’eba. Hau aprende ho sira halao ita nia luta libertasaun. Iha tinan lima nia laran, ita kaer kuda talin ita nia rain nian. Ita hetan susesu barak, maibé, iha moos problemas barak. Hotu-hotu tenke buka solusaun ba prolemas hirak ne’e. Imi nia tempu mak ne’e! Mai ita servisu hamutuk nafatin ba futuru ita nia rai doben nian.”
For more information contact:
Harold Moucho (Lu Olo’s political adviser) (+670) 723 0048 (Dili)
Jose Manuel Fernandes (Lu Olo’s official election representative) (+670) 734 2174 (Dili)
http://www.luolobapresidente.blogspot.com, http://luolo.blogspot.com, http://www.timortruth.com
Komunikadu imprensa
22 Abril 2007
Atu hatene ta'an informasaun, bele dere arame ba:
Harold Moucho (Lu Olo ninia konselleiru polítiku) (+670) 723 0048 (Dili)
José Manuel Fernandes (Reprezentante ofisial Lu Olo nian ba eleisoens) (+670) 734 2174 (Dili)
http://www.luolobapresidente.blogspot.com , http://luolo.blogspot.com, http://www.timortruth.com
Komunikadu ba Imprensa
Domingu 22 Abril 2007
Lu’Olo: “Juventude Timor-Leste nian, Imi nia tempu mak ne’e!”
Kandidatu Prezidensial Francisco Gutrres “Lu Olo” ohin ható ninia komprimisu atu harii Gabinete Apoio Juventude se nia eleito Prezidente Republik, nunee Juventude bele fo Kontribuisaun bot liu ba governasaun Timor-Leste nian.
“Hau se fo Juventude sira hau nia atensaun makás no fo ba sira fatin bot liu iha hau nia Prezidensia se hau mak eleito Prezidente Republika. Hau se harii Gabinete Nasional ba Apoiu Juventude, ne’ebe la’os partidáriu, maibé, inclusivu, ne’ebé Jovens sira rasik maka kaer servisu iha laran.”
LuOlo kolian liafuan nee iha Dili bainhira nia ható ninia saudasoens ba Jovens sira mak foun dadau halibur iha Lospalos ba sorumutu Cruz Joven. “Sorumotu tin’tinan Cruz Juventude iha Lospalos ne’ebé halibur jovens hosi Timor-Leste tomak fó exemplu furak ida ba juventude tamba sira hamutuk ho dame no fó laran ba malu, halo selebrasaun ba sira nia fiar no valores,”dehan Lu’Olo.
“ Ida nee oportunidade ba ita nia nasaun atu rekoñese kontribuisaun bot ne’ebé juventude fó ba ita nia independénsia. Juventude iha ona direitu atu hetan moos dame no prosperidade iha ita nia rain , laos deit aban bai rua, maibé, oras nee, ohin kedas.”
Konstituisaun Timor-Leste nian fó garantia ba direitus jovens sira nian, hanesan sidadaun sira seluk. Iha Timor-Leste, jovens hotu-hotu iha direitu fo sira nia kontribuisaun ba desenvolvimentu sosial no politiku nasaun nian.
Lu’Olo koalia mos kona ba nia experiénsia rasik. “Hau rasik iha tusan ida ké bot hó Juventude iha ita nia rain”, nia dehan. “Bainhira ami funu hela iha foho, jovens sira hela iha sidades no aldeias mak fo tulun no apoiu ba ami. Se laiha jovens sira nee, ita la hetan ukun rasik a’an.”
“Ita presiza servisu hamutuk oras ne’e, bei’beik, atu hakotu krize ne’ebé mosu iha ita nia rain. Jovens barak, mane no feto, mak oras nee halao knaar lideransa nian, fó sira nia tulun ba haburas sira nia komunidade, ita nia nasaun. Juventude sira envolve a’an ba haríi dame, edukasaun, saúde, iha dezenvolvimentu komunitáriu.”
Nudar Przidente hau se fo apoio makas no sai poromoter bot ba Juventude. “Hau se halao bei’beik dialogu ho juventude no organizasoens juventude nian, no fo tulun ba sira ba servisu hamutuk ho governu, konfisoens relijiosas no ONG sira. Hau ho governu halo dadaun esforsu ba harii parlamentu juventude nian iha eskolas.”
LuOlo hato’o katak ema barak tebe-tebes mak fo sala ba jovens sira kona ba violénsia no krize iha Dili laran. “Hau la konkorda ho ida nee. Jovens sira mai Dili ho expectativas boot. Dala barak, sira laran taridu tamba la hetan buat ne’ebé sira buka . Maibé, jovens barak mak halao dadaun servisu diak tebe-tebes, sira fó apoiu ba sira nia famílias, sira estuda no fo tulun ba komunidades sira nian. Ita tenke respeita jovens sira, sé tilun ba sira, no servisu hamutuk ho sira bainhira sira buka dadaun solusaun ba sira nia problemas”.
Lu Olo dehan katak nia koalia ona ho jovens no estudantes sira kona ba sira nia vizaun no nesesidades: “Jovens hatete mai hau katak sira hakarak oportunidade atu hetan edukasaun iha sira nia distritu rasik, la presiza mai sidade Dili atu estuda (iha Bahasa Malaiu bolu “Pendidikan Jarak Jauh”). Sira hakarak Estadu harii Sentru Rekursus Juventude nian iha distritus. Sira hakarak tulun atu bele dezenvolve sira nia inisiativas rasik ba harii dame no seguransa iha sira nia fatin, fó formasaun, aprende komputador, no organiza desportu no festas kulturais.”
“Jovens sira hakarak servisu ho feto sira no agrikultor sira iha áreas rurais, harii kooperativas no projetu selu-seluk atu hetan buat ruma ba sira nia moris. Hau rasik koñese jovens barak mak halo dadaun buat balun nee ona, no hau promete fo apoio atu sira bele halao sira nia inisiativas barak liu tan no makas liu tan. Juventude iha distritus hakarak halo parte mundu modernu, sira iha direitu hetan ida nee, maibé , hela nafatin iha sira nia uma. Hau la simu hanoin hanesan harii dormitórius ba estudantes iha Dili. Nee la’os solusaun lo’los ba sira nia nesesidades no hakarak.”
Lu Olo ramata ho apelu diretu ba jovens sira:
“Juventude sira mak ita nia asu uain iha ita nia luta ba independénsia. Hau hatete ba jovens sira: Juventude. Hau hahú kontribui ba ita nia luta bainhira hau sei klosan. Hau aprende ho maun no bin sira, liu liu ho Vicente Reis, Sahe, ne’ebé sai hau nia mata dalan iha tempu ne’eba. Hau aprende ho sira halao ita nia luta libertasaun. Iha tinan lima nia laran, ita kaer kuda talin ita nia rain nian. Ita hetan susesu barak, maibé, iha moos problemas barak. Hotu-hotu tenke buka solusaun ba prolemas hirak ne’e. Imi nia tempu mak ne’e! Mai ita servisu hamutuk nafatin ba futuru ita nia rai doben nian.”
For more information contact:
Harold Moucho (Lu Olo’s political adviser) (+670) 723 0048 (Dili)
Jose Manuel Fernandes (Lu Olo’s official election representative) (+670) 734 2174 (Dili)
http://www.luolobapresidente.blogspot.com, http://luolo.blogspot.com, http://www.timortruth.com
Komunikadu imprensa
22 Abril 2007
Atu hatene ta'an informasaun, bele dere arame ba:
Harold Moucho (Lu Olo ninia konselleiru polítiku) (+670) 723 0048 (Dili)
José Manuel Fernandes (Reprezentante ofisial Lu Olo nian ba eleisoens) (+670) 734 2174 (Dili)
http://www.luolobapresidente.blogspot.com , http://luolo.blogspot.com, http://www.timortruth.com
0 comments:
Enviar um comentário